Serikali kuwafuta machozi wakulima wa zao la kahawa nchini.

Serikali inaandaa mkakati kutafuta mitaji kutoka taasisi za fedha ili kuuwezesha mfuko wa zao la kahawa nchini kuweza kutoa huduma zilizokusudiwa kwa wakulima.

Mkakati huo wa serikali unaelezwa na Naibu waziri wa kilimo mifigo na uvuvi Mhe.William Ole Nasha bungeni mjini dodoma wakati akijibu swali la mbunge wa mbozi Mhe.Paschal Haonga aliyetaka kujua ni lini serikali itaweka ruzuku kwenye pembejeo za kilimo kama vile mbolea ili kuwapunguzia wakulima gharama za uzalishaji.

Naibu waziri Ole Nasha amesema hivi sasa mfuko huo unakabiliwa na changamoto ya kukosa mitaji ya kutosha kutoa huduma zote zilizokusudiwa kutokana na michango ya wadau kuwa midogo ikilinganishwa na mahitaji.

Aidha mhe Ole Nasha amesema serikali imeendelea kutoa ruzuku ya madawa na mbegu bora kwenye mazao ya pamba na korosho na kwa upande wa mazao ya chai na kahawa ruzuku imekuwa ikitolewa kwenye miche bora ili kuongeza uzalishaji na ubora wa mazao hayo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.