Syria:Madai ya Marekani kwamba inapambana na ugaidi ni uongo.

Mshauri wa masuala ya kisiasa wa Rais Bashar al Assad wa Syria amesema kuwa,madai ya Marekani kwamba inapambana na ugaidi ni uongo ulio wazi.

Bi Bouthaina Shaaban ambaye pia ni mshauri wa Rais wa Syria katika masuala ya habari amesema hayo alipohojiwa na shirika la habari la Tasnim na kuongeza kuwa, muungano unaodaiwa kupambana na ugaidi unaoongozwa na Marekani, kamwe hauwashambulii magaidi na wala haujawahi kuzuia magendo ya silaha zinazopelekwa kwa magenge hayo ya kigaidi.

Bouthaina Shaaban ameongeza kuwa, watu pekee wanaopambana kikweli kweli na ugaidi huko nchini Syria ni jeshi la Syria, wanamapambano wa Hizbullah wa Lebanon na Russia.

Mshauri huyo mwandamizi wa Rais wa Syria amesema kuhusu mazungumzo ya hivi karibuni ya mjini Geneva Uswisi kwamba serikali ya Syria ina hamu ya kuona mgogoro wa nchi hiyo unamalizika haraka, lakini magenge ya kigaidi na waungaji mkono wao hususan Saudi Arabia, wanakwamisha mazungumzo hayo.

Amesema, hadi hivi sasa wapinzani wa serikali ya Syria wameshindwa kusema ni nani hasa mwakilishi wao halisi; nayo makundi yanayoungwa mkono na Saudi Arabia kama vile magenge ya kigaidi ya Jaishul Islam na Ahrarush Sham hayako huru, bali yanasubiri amri tu kutoka kwa Saudia.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.