Wajawazito sasa kupata ahueni wakati wa kujifungua Muhimbili.

HAKUNA mjamzito atakayejifungua kwa shida katika Hospitali ya Muhimbili” ni ahadi aliyoitoa Ummy Mwalimu, Waziri wa Afya, Maendeleo ya Jamii, Jinsia na Watoto leo wakati akiratibu zoezi la uwekaji wa vitanda katika Wodi ya Wazazi.

Akizungumza katika kipindi moja kwa moja ‘live’ cha ‘Super Mix’ cha East Africa Radio amesema, kufanyika kwa zoezi hilo ni kufuatia agizo la Rais John Magufuli la kubadili matumizi ya Wizara ya Afya, Kitengo cha Afya ya Uzazi na Mtoto kuwa kuwa wodi ya wazazi.

Ummy amesema, Rais Magufuli anataka suluhisho la matatizo na sio michakato ya utatuzi na kwamba, atahakikisha wizara yake inakwenda sambamba na yale ambayo rais angependa kuyaona katika utawala wake wa awamu ya tano.

“Mimi ni mwanamke, na nimeshajifungua mara mbili, najua uchungu wa uzazi, sitakubali wakinamama wateseke kwa kujifungua, leo mama atalala kitandani,” amesema.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.