Halmashauri zote nchini zimeagizwa kuhakikisha vituo vyote vya afyavinakuwa na huduma za dharura.

Makamu wa rais Mh.Samia Suhulu Hassan ameziagiza halmashauri zote nchini kuhakikisha vituo vyote vya afya vyenye huduma za uzazi vinawekewa huduma za dharura kwa wajawazito haraka iwezekanavyo mara baada ya bajeti ya mwaka 2016/17 kutoka.

Mh.Samia amesema hayo jijini Dar es Salaam wakati wa ufunguzi wa siku ya utepe mweupe nchini yenye lengo la kuwakumbuka kina mama wajawazito na waliopoteza maisha siku ya kujifungua ambapo licha ya kusikitika juu ya ongezeko kubwa la vifo vya wajawazito na watoto wadogo amebaini serikali haitafumbia macho swala hilo.

Mwakilishi wa waziri wa afya,maendeleo ya jamii jinsia wazee na watoto Mh.Ummy Mwalimu,Profesa Mohamed Bakari amesema kila siku wajawazito 24 wanaojifungua hufariki na wengine kupata vilema vya maisha na kuwa tayari wizara yake imeshaanda mikakati mbalimbali ya kupunguza na kutokomeza kabisa tatizo hilo.

Baadhi ya washiriki siku ya utepe mweupe nchini wameeleza kusikitishwa na bajeti inayotengwa kutowekezwa kwenye vituo vya afya hali inayopelekea ongezeko la vifo vya kina mama wajawazito na watoto kutokana na huduma mbovu na kutoa wito kwa serikali kuona namna ya kuongeza bajeti na kufuatilia kama zinatumika kwa lengo lililowekwa.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.