Wanamgambo 450 wa Daesh wauawa katika viunga vya mji waAleppo,Syria

Mamia kadhaa ya wanamgambo wa kundi la kitakfiri la Daesh wameuawa katika mashambulio yaliyofanywa na jeshi la Syria katika viunga vya mji wa Aleppo.

Jeshi la Syria limefanikiwa kusonga mbele katika eneo la Tal Hammad katika kiunga cha mji wa Aleppo na kufanikiwa kuwaangamiza magaidi wasiopungua 450 wa kundi hilo la kitakfiri.

Duru za Syria aidha zimeripoti mafanikio ya karibuni ya jeshi katika eneo la Ghouta ya Mashariki na mashambulio ya mtawalia yanayofanywa na magaidi katika vitongoji vya Kefraya na al- Fouaa vilivyoko kandakando mwa mji wa Aleppo, ambavyo vingali vimezingirwa na matakfiri hao. Magaidi 17 wa kundi la Jabhatun-Nusra wameangamizwa katika operesheni hiyo.

Wiki iliyopita raia kadhaa waliuliwa na kujeruhiwa katika mashambulio yaliyofanywa na magaidi katika vitongoji vya Kefraya na al- Fouaa.

Makundi ya kigaidi na kitakfiri ya Daesh (IS) na Jabhatun-Nusra ni miongoni mwa makundi ya kigaidi ambayo hayajashirikishwa katika ustishaji vita uliotangazwa nchini Syria baina ya serikali na wapinzani; na kwa sababu hiyo jeshi linaendeleza operesheni zake za mashambulio dhidi ya makundi hayo.

Wakati huohuo Rais Bashar al-Assad wa Syria amesema, jeshi la nchi hiyo linaendelea kuonyesha stahamala kwa ukiukaji wa usitishaji vita uliotangazwa nchini humo, lakini stahamala hiyo ina mpaka.

Rais Assad ameyasema hayo leo katika mahojiano na televisheni ya Ujerumani.../

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.