Kesi yakupinga matokeo ya Ubunge Vunjo mbatia ashinda.

Kesi ya kupinga matokeo ya Uchaguzi Mkuu 2015 iliyokuwa inamkabili Mbunge wa Jimbio la Vunjo Mh.James Mbatia ambayo ilifunguliwa na mgombea ubunge wa jimbo hilo kwa tiketi ya chama cha Tanzania Labour Party Mh Agustino Mrema imeondolewa mahakamani baada ya pande zote mbili kukubaliana kumaliza kesi hiyo nje ya mahakama.

Kesi hiyo imeondolewa mahakamani baada ya wakili wa Mh.Agustino Mrema Mh.January Nkobogho kuwasilisha ombi la mlalamikaji mbele ya Jaji wa Mahakama Kuu Kanda ya Moshi Mh Lugalo Mwandambo kumuomba aondoe kesi hiyo mahakamani kutokana na kuwapo maslahi mapana ya umma.

Wakili Nkobogho amesema kutokana na kesi hiyo kuwa na maslahi kwa wapiga kura wa Jimbo la Vunjo pamoja na kupunguza gharama kwa Serikali ya kuendesha kesi hiyo mlalamikaji na mlalamikiwa wameridhiana kuondoa kesi hiyo mahakamani.

Wakizungumza nje ya mahakama baadhi ya mawakili wa Mh.James Mbatia, Mh.Mohamed Tibanyendela na Mh.Youngsaviour Msuya wamempongeza Mh.Agustino Mrema kwa uamuzi wake wa kuridhia kumalizika kwa kesi hiyo

Naye Mbunge wa Jimbo la Vunjo Mh.James Mbatia ameahidi kuendelea na ushirikiano na Mh,Agustino Mrema kwa ajili ya maslahi ya wananchi wa Vunjo na kuahidi kulipa asilimia 50 ya gharama za mawakili .

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.