Meya wa ilala atumbua wahandisi wanne kwa usimamizi mbovu wa miradi ya Barabara jijini Dar es Salaam.

Utumbuaji Majipu ambayo ndio aina aliyoingia nayo rais wa Tanzania Dkt.John Pombe Magufuri ya Kutumbua majipu na Kuwashughulikia watumishi wasio waadilifu katika sehemu zao za kazi pamoja na wale wanaotumia Vibaya madaraka waliyopewa,kasi hiyo imeonesha kuungwa mkono na Halmashauri ya Manispaa ya Ilala baada ya kuwasimamisha kazi wahandisi wanne waliokuwa wakisimia miradi ya barabara ya manispaa hiyo wakiongozwa na mkuu wa Idara ya uhandisi Injinia Jaffar Bwigane.

Mstahiki meya wa Manispaa ya Ilala Charles Kuyeko amesema wakuu hao wa idara ya uhandisi ambao walikuwa wakisimamia ujenzi wa barabara hizo wamekuwa wakilalamikiwa kwa muda mrefu kutokana na Usimamizi duni wa miradi ya barabara ya manispaa hizo ambazo asilimia 98 zimejengwa chini ya kiwango.

Kusimamishwa kazi kwa watumishi hao kutaenda sambamba na Uchunguzi wa kuchunguza ni kiasi gani cha hasara kilichosababishwa lakini pia hatua za kisheria zitakazochukuliwa dhidi ya wahusika akiwepo Injinia Daniel Kirigiti na Siajali Mahili .

Meya wa Ilalaamesema barabara zote zilizojengwa chini ya kiwango na kuharibika katika kipindi kifupi wakandarasi waliopewa kazi hiyo watawajibika kuzitengeneza kwa kutumia Fedha zao.

Kuhusu kuzagaa kwa wafanyabiashara ndogondogo maarufu kama MACHINGA katika jiji la Dar es Salaam Bw,Kwiyeko amesema wameandaa mpango mkakati wa kutenga maeneo maalum ili wafanyabiashara hao wafanye biashara zao bila kusababisha msongamano katikati ya maeneo ya jiji.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.