Mvutano wa Madiwani wa CCM na CUF ngoma nzito jijini Tanga.

Baadhi ya wakazi Jijini Tanga wameiomba Serikali kuingilia kati mgogoro unaofukuta baina ya madiwani wa halmashauri ya Jiji la Tanga kutoka Chama cha Mapinduzi na Chama cha Wananchi CUF- kwa kushindwa kukaa vikao vya kamati za kujadili maendeleo tangu Desemba mwaka jana.

Hatua hiyo inafuatia kikao cha kwanza tangu uchaguzi mkuu ufanyikie Oktoba mwaka jana kuahir ishwa baada ya madiwani wa CUF kumkataa Mwenyekiti wa Baraza la Madiwani ambaye ni Meya wa Jiji la Tanga , SELEMAN MUSTAPHER wa CCM wakidai kuwa hakuchaguliwa halali katika uchaguzi wa nafasi hiyo uliofanyika Desemba 19 mwaka jana .

Wakizungumza kuhusu sakata hilo, baadhi ya wakazi wa Jiji la Tanga wamekasirishwa na hatua hiyo na kutaka haki itendeke kwa sababu wanaoathirika na mgogoro huo ni wananchi.

Kamishna wa Chama cha NCCR - Mageuzi Mkoa wa Tanga , RAMADHAN MANYEKO amesema wakati umefika Ofisi ya Rais Tawala za Mikoa na Serikali za Mitaa iingilie kati ili kurudisha mchakato wa zoezi la kuwaletea maendeleo wakazi wa Tanga .

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.