Watumishi watatu watumbuliwa kwa matumizi mabaya ya madaraka.

Watumishi watatu wa Halmashauri ya wilaya ya Iramba mkoani Singida wamesimamishwa kazi na kuamriwa kukamatwa,kwa matumizi mabaya ya madaraka kwa upotevu wa fedha zaidi ya shilingi milioni kumi na nne na laki tano,ikiwa ni sehemu ya fedha zilizotolewa na wafadhili kwa ajili ya ujenzi wa hosteli ya wanafunzi wa kike kwenye shule ya sekondari Kinyangiri.

Akitangaza uamuzi huo mbele ya waandishi wa habari baada ya Kamati ya Ulinzi na Usalama ya wilaya ya Iramba kukaa kikao cha dharura Kaimu Mkuu wa Wilaya ya iramba ambaye pia ni Mkuu wa Wilaya ya Mkalama Bw.Christopher Ngubiagai,amesema kamati imeamua kuchukuwa uamuzi huo kufuatia jengo hilo kuchelewa kukamilika zaidi ya miaka minne na wanafunzi kutembea umbali mrefu na wengi wao wamepata mimba kutokana na kurubuniwa pindi wanapo rudi nyumbani nyakati za jioni.

katika hatua nyingine bwana ngubiagai amewataja waliosimamishwa kazi ni Kaimu Mwandisi Bw.David Malegi,Fundi Sanifu Bw.Hashimu Ndatwa na amezitaka malaka husika kumkamata aliyekuwa Mratibu wa Mradi Bw.Jeremia Lubeleje,ambaye kwasasa amehamia Halmashauri ya wilaya ya Masasi kurudi wilayani Iramba kujibu tuhuma zinazo mkabili.

BONYEZA HAPA->http://www.itv.co.tz/news

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.