Obama aunga mkono Uingereza kubaki katika jumuiya ya Umoja wa Ulaya.

Rais Barack Obama amesema anaunga mkono Uingereza kubaki katika jumuiya ya Umoja wa Ulaya ili kuweza kuchangia katika vita dhidi ya ugaidi na masuala wahamiaji na utatuzi wa migogoro ya kiuchumi.

Obama ameyasema hayo huku akiwa anaanza ziara yake nchini Uingereza ambapo ameongeza kuwa uanachama wa Uingereza katika umoja wa Ulaya una umuhimu mkubwa na endapo nchi hiyo itajiondoa katika umoja huo itapunguza nguvu katika vita dhidi ya ugaidi duniani, suala la wahamiaji na utatuzi wa matatizo ya kiuchumi.

Awali Rais Barack Obama ambaye amemaliza ziara yake mjini Riyadh Saudi Arabia amesema nchi yake na washirika wa nchi za kiarabu wataendelea kuwa na mshikamano katika juhudi zao za kuliangamiza kundi la dola la kiislamu pamoja na kuendelea kuongeza mchango wao katika mapambano hayo.

Rais Obama anatarajiwa kukutana na waziri mkuu wa Uingereza David Cameroon kwa mazungumzo na baadaye chakula cha mchana na malkia Elizabeth wa Uingereza hii ikiwa ni siku moja baada ya maadhimisho ya miaka 90 ya kuzaliwa kwa MALKIA ELIZABETH.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.