Rais Magufuli azindua daraja la Kigamboni*Asema lengo ni kutatua Kero za wananchi*Apendekeza liitwe Daraja La Nyerere.

Rais Dakta JOHN POMBE MAGUFULI amesema lengo la serikali yake ni kutatua kero za wananchi na kwamba ingawa haziwezi kuondolewa lakini amesema atahakikisha kama siyo kuondolewa basi zinapunguzwa.

Rais MAGUFULI alikuwa akizungumza wakati wa ufunguzi rasmi wa rasmi Daraja la Kigamboni lenye urefu wa mita 680 na barabara unganishi upande wa Kurasini na Kigamboni zenye urefu wa kilometa 2.5.

Kuhusu daraja la Kigamboni amesema linatarajia kuraisisha usafiri na uchukuzi katika jiji la Dar es Salaam bila kutegemea vivuko na vitu vingine vya uchukuzi ambavyo vimekuwa vikihatarisha usalama wa watu.

Ujenzi wa daraja hilo uliogharimu shilingi bilioni 254 sehemu kubwa ya fedha zikitolewa na Shirika la Taifa la Hifadhi ya Jamii NSF.

Rais Magufuli asema watakaopita daraja la Kigamboni kuwa ni Bajaji,Baiskeli,Magari ambapo lazima walipie huku kwa upande wa watembea kwa miguu wakipita bure kwa wakati huu wakisubiri hapo baadae kama kukiwa na Mabadiliko ya kufanya nawao walipe.

Rais Magufuli amewataka watanzania kulitumia sasa Daraja hilo la Kigamboni alilolizindua ili kuweza kujinasua kiuchumi.

Pia amesifu Watanzania kwa kufanikiwa kujenga madaraja makubwa yakiwemo ya MKAPA,barabara kuu ya kutoka Dar es Salaam kwenda mikoa Kusini, Daraja la KIKWETE linalounganisha Kigoma na Kagera na Daraja la Umoja linalounganisha Tanzania na Msumbiji.

Kwa upande wa daraja la Kigamboni amependekeza liitwe Daraja la NYERERE kwa heshima ya Baba wa Taifa kwa kuthamini mchango wake kwa taifa na pia alikuwa mtu wa kwanza kushauri ujenzi wa daraja la Kigamboni.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.