TAKUKURU yatakiwa kuimulika Polisi na Mahakama kwa kunukia harufu ya rushwa.

Wananchi mkoani Shinyanga wameiomba Taasisi ya Kuzuia na Kupambana na Rushwa (TAKUKURU) kufanya uchunguzi wa kina kwa taasisi na vyombo vya kutoa maamuzi ikiwemo Polisi na Mahakama ili kubaini vitendo vya rushwa vinavyoendelea kuota mizizi mkoani humo na kusababisha wananchi wa kipato cha chiini kuishi kwa kunyanyasika.

Wakizungumza kwa nyakati tofauti wananchi wa mkoa wa Shinyanga wakiwemo wajasiriamali wadogo wanaeleza jinsi baadhi ya watumishi katika idara mbalimbali serikalini wanavyoendeleza vitendo vya rushwa na kuitaka TAKUKURU kuacha kufumbia macho jambo hilo kwani linafanyika waziwazi bila kificho.

Katika Ofisi za Taasisi ya Kuzuia na Kupambana na Rushwa mkoani Shinyanga Mkuu wa Taasisi hiyo mkoani humo Bw.Gasto mkono amesema kuwa taasisi yake mkoani humo imeanza mpango mkakati wa kutoa elimu kwa wananchi namna ya kuripoti vitendo vya rushwa huku akidai kuwa katika kipindi cha mwezi wa kwanza hadi wa tatu mwaka huu TAKUKURU imeshawakamata Watumishi wa Serikali wanne na kuwafikisha mahakamani kwa makosa ya kujihusisha na vitendo vya rushwa na matumizi mabaya ya madaraka kinyume na sheria za nchi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.