Tegete,asema Toto Africans ina nafasi kubwa ya kubaki Ligi Kuu Tanzania Bara.

KOCHA wa Toto Africans, John Tegete, amesema timu yake ina nafasi ya kubaki Ligi Kuu Tanzania Bara kwani ina kikosi bora cha vijana wenye uwezo na nguvu ya kufanya vyema katika michezo iliyobaki.

Toto Africans katika mchezo wake uliopita iliwafunga Simba bao 1-0 kwenye Uwanja wa Taifa, Dar es Salaam. Kutokana na ushindi huo, timu hiyo yenye makazi yake jijini Mwanza imefikisha jumla ya pointi 30 baada ya kucheza michezo 27 na kubakiza mitatu.

Akizungumza na gazeti hili, Tegete alisema nafasi waliyopo wanajihakikishia nafasi ya kusonga mbele kwa msimu mwingine na kwamba watapigana kufa au kupona kushinda kujiweka katika mazingira mazuri zaidi.

“Najivunia kwa sababu nina kikosi kizuri cha vijana wanaojituma na kuonesha juhudi. Tena wengi wa vijana wangu waliwahi kucheza Simba kwa hiyo kwa uwezo wao na nguvu tutaweza kuvuka,” alisema.

Tegete alisema siri kubwa iliyojificha katika kikosi chake ambacho huonekana kukomaa pindi inapokutana na timu kubwa ni ushirikiano pekee unaoneshwa na wachezaji na benchi zima la ufundi la timu hiyo.

Toto inatarajiwa kukutana na Yanga Aprili 30, mwaka huu kwenye Uwanja wa CCM Kirumba, Mwanza.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.