Kanisa kumwombea JPM kila Jumanne kwa siku 1,001.

KANISA la Good News for All Ministry limeanza utaratibu wa kufanya maombi kila siku ya Jumanne kwa siku 1,001, ikiwa ni mwitikio wa kumuombea Rais John Magufuli afya njema na ulinzi wa Mungu ili aweze kutimiza majukumu yake mazito ya kulitumikia taifa.
Akiongoza maombi katika viwanja vya Biafra jijini Dar es Salaam, Mwenyekiti wa Good News for All Ministry, Askofu Dk Charles Gadi alisema wameamua kuchukua jukumu hilo kuitikia ombi la Rais Magufuli akitusihi Watanznaia tumuombee.
Rais alisema maombi ya Watanzania yanamtia nguvu katika kazi yake ya kuhakikisha nchi inaendeshwa kwa kuzingatia misingi imara ya kiutawala.
“Tunamuombea Rais ili aweze kufanikiwa katika juhudi zake za kurekebisha uchumi wa nchi, pia tunaombea lengo la Rais wetu la kuifanya nchi yetu iwe ya viwanda vikubwa na vidogo ili kila mahali katika nchi yetu, wananchi wapate kazi na pia tuweze kuuza nje bidhaa za viwandani na kupunguza utegemezi wa kuagiza bidhaa hizo nje,” alisema.
Aidha, alisema wanawaombea wasaidizi wakuu na viongozi wengine wa nchi ili waweze kumsaidia katika kasi aliyonayo ya kuongoza Serikali ya Awamu ya Tano sambamba na kumuomba Mungu alete mvua isiyo ya uharibifu wa mali na watu nchini.
“Katika maombi haya pia tunawasihi na kuwahamasisha wananchi kuwa na utayari wa kulipa kodi na ushuru ili kukuza uchumi na maendeleo ya nchi, jambo ambalo pia ni uzalendo kwa nchi yetu”. “...Tunaombea na kuhamasisha wananchi wetu wawe walinzi wa miundombinu ili iweze kudumu na kuhudumia vizazi vijavyo,” alisema.
Hata hivyo alisema katika maombi hayo pia watahamasisha wananchi kulinda maadili ya kitaifa na kijamii na kujiepusha na tabia zinazoleta mmomonyoko wa maadili kwa watu wazima na watoto.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.