Obama asema hana wasiwasi na Uingereza na Umoja wa Ulaya.

Rais Barack Obama wa Marekani amesema anaamini kwamba Uingereza na Umoja wa Ulaya zitasimamia ipasavyo utaratibu wa kipindi cha mpito, baada ya Uingereza kuamua kujitoa kwenye Umoja huo. Katika mahojiano na gazeti la Financial Times, Obama amesema kujiondoa kwa Uingereza kunazusha maswali muhimu kuhusu mustakabali wa utangamano wa Ulaya. Kauli hiyo ameitoa kabla ya mkutano wa kilele wa Jumuiya ya Kujihami ya NATO unaoanza leo mjini Warsaw, Poland.
Kabla ya mkutano huo, Obama anatarajiwa kukutana na Rais wa Baraza la Ulaya, Donald Tusk, na Rais wa Halmashauri Kuu ya Umoja wa Ulaya, Jean-Claude Juncker.
Pia atakutana na Waziri Mkuu wa Uingereza, David Cameron.
Wakati huo huo, Katibu Mkuu wa NATO, Jens Stoltenberg amesema leo kuwa jumuiya hiyo itafanya mazungumzo ya kujenga na yenye maana na Urusi na haitaki kurudiwa kwa Vita Baridi

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.