Mji mkuu wa Johannesburg unashikiliwa na Upinzani.

Mji mkuu wa kiuchumi wa Afrika Kusini Johannesburg unashikiliwa kwa sasa na upinzani, licha ya chama tawala nchini Afrika Kusini cha ANC kuchukua nafasi ya kwanza katika uchaguzi wa serikali za mitaa, lakini hakikuweza kupata wingi wa wajumbe wanaohitajika.
Katika hali ya kukiangusha chama cha ANC, Jumatatu hii usiku, upinzani uliamua kumuunga mkono mgombea mmoja katika uchaguzi wa serikali za mitaa nchini humo. Kutokana na hali hiyo Herman Mashaba amechaguliwa kuwa Meya wa mji mkuu wa kibiashara wa Afrika Kusini .
Karibu vyama vyote vya upinzani vilimpiga kura Herman Mashaba. Kwa jumla vyama sita vya upinzani viliamua kumuunga mkono mgombea huyo ili kuzuia mgombea wa chama tawala cha ANC. chama tawala, hata hivyo, kiliibuka mshindi katika uchaguzi wa madiwani mjini Johannesburg, lakini alishindwa kupata washirika ili kufikia 50% ya kura zilizokua zinahitajika.
Hata chama chenye msimamo mkali cha Julius Malema, ambacho hata hivyo kilikua kimejizuia kumpigia kura mgombea wa upinzani, kiliamua kumuunga mkono ili kukiangusha chama cha ANC.
Herman Mashaba ameahidi mabadiliko na kutoa kipaumbele kwa ajira. "Tutafanya mabadiliko ambayo yataleta ajira, kwa jumla ya wakazi 800, mtu 1 kati ya 3, hana ajira. Tunapaswa kukabiliana na tatizo hili, na kuna haja ya kuharakia kutafutia ufumbuzi wa tatizo hilo", amedema Bw Mashaba.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.