Erdogan na Obama wazungumzia suala la wakimbizi kwenye mkutano wa baraza kuu la Umoja wa Mataifa

Rais wa Uturuki Recep Tayyip Erdogan na rais Barack Obama walihudhuria mkutano wa baraza kuu la Umoja wa Mataifa uliofanyika mjini New York nchini Marekani.

Takriban nchi 50 ziliahidi kutoa hifadhi kwa wakimbizi 360,000 pamoja na kuhakikisha msaada wa kifedha.

Rais Erdogan alitoa hotuba na kuarifu mchango mkubwa wa Uturuki katika suala la kusaidia wakimbizi, na kukashifu Umoja wa Ulaya kwa kushindwa kutimiza ahadi kulingana na mkataba wa Machi 18.

Erdogan alisema, ‘‘Uturuki imeachwa peke yake katika kipindi hiki kigumu cha kutatua mzozo wa wakimbizi wa Syria. Sisi hatuwezi kurudi nyuma na tutaendelea kusaidia wakimbizi licha ya kukosa msaada wa Umoja wa Ulaya na jumuiya ya kimataifa.’’

Erdogan pia alilaumu jumuiya ya kimataifa kwa kushindwa kuchangia misaada kwa ajili ya wakimbizi ambao idadi yao kubwa inajumuisha watoto na wanawake.

Erdogan alisisitiza kwamba mzozo wa wakimbizi hauwezi kupata suluhisho bila kuwepo kwa ushirikiano.

Rais Obama naye alizungumzia suala la wakimbizi na kutambua umuhimu wa Uturuki ambayo ni miongoni mwa nchi 10 za kwanza zinazochangia kusaidia wakimbizi wapatao milioni 65.

Katika maelezo yake, Obama alitoa wito kwa mataifa kufungua mipaka yao kwa ajili ya kuwapokea wakimbizi na kutoa hifadhi ili kusaidia kutatua mzozo.

Obama pia alisema kwamba hatua za kufukuza wakimbizi wa Kiislamu zinaweza kuchangia harakati za kigaidi.

Wakati huo huo, katibu mkuu wa UN Ban Ki-moon alitoa maelezo na kusema, ‘‘Hakuna yoyote inayoweza kusimama peke yake kwa ajili ya kutatua mizozo. Tunapaswa kushirikiana pamoja.’’

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.