CUF kanda ya Kusini yasema haimtambui Pfo.Lipumba kama Mwenyekiti.

Chama cha Wananchi (CUF) kanda ya Kusini inayojumuisha mikoa ya Lindi na Mtwara,kupitia wajumbe wa Baraza kuu la uongozi Taifa,kimetangaza kutomtambua Profesa Ibrahimu Haruna Lipumba,kama kiongozi halali wa Chama hicho.
Azimio hilo limetolewa na wajumbe hao pamoja na baadhi ya wadhamini wa Chama hicho, baada ya kumalizika kwa kikao cha kamati tendaji ya kanda hiyoambacho kimefanyika kwenye Ofisi ya CUF iliyopo mtaa wa Msonobarini Manispaa ya Lindi.
Akitangaza azimio hilo kwa niaba ya wajumbe wa kikao hicho,Mwenyekiti wa CUF Lindi Salum Bar’wani ametaja sababu mbalimbali ambazo zimewafanya wafikie uamuzi huo kama vile kitendo cha Profesa kujiuzuru Uongozi wakati uchaguzi Mkuu unaendelea,pamoja na kutekeleza maamuzi halali ambayo yametolewa na uongozi wa Baraza kuu la Chama hicho kwenye kikao kilichofanyika Zanzibar,na pia ametumia nafasi hiyo kukanusha taarifa zinazodai kuwa CUF Kanda ya Kusini inamwunga mkono Profesa Lipumba.
Miongoni mwa watu ambao wamehudhuria Mkutano huo ni Mdhamini wa Chama Abdalah Khatau kutoka Masasi,pamoja na wabunge Ahmad Khatani wa Jimbo la Tandahimba mkoani Mtwara na Seleman Bungara kutoka Jimbo la uchaguzi la Kilwa Kusini Mkoani Lindi.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.