Galawa atumbua Maofisa 14 kwa kuzalisha watumishi hewa, Songwe

MAOFISA 14 utumishi wa Halmashauri za Momba, Tunduma, Mbozi na Ileje katika Mkoa wa Songwe wamesimamishwa kazi kwa tuhuma za kuzalisha watumishi hewa na kuisababishia serikali hasara ya mamilioni ya fedha. Pamaoja na kusimamishwa kazi vigogo hao, pia walikamatwa na kuwekwa rumande kwa siku nne kabla ya kutolewa kwa dhamana.
Mkuu wa Mkoa wa Songwe, Luteni mstaafu Chiku Galawa, akizungumza kwa njia ya simu akiwa safarini, alithibitisha watendaji hao kusimamishwa kazi na kwamba hatua hizo zimechukuliwa na mamlaka zao za nidhamu.
“Hao wote ukiacha Wilaya moja tu ya Songwe ambayo masuala yao yatashughulikiwa katika Wilaya ya Chunya kwa kuwa hayo yalifanyika kabla ya kugawanywa, lakini wote waliobaki wamechukuliwa hatua hizo na mamlaka zao za nidhamu ambazo ni Wakurugenzi Watendaji, ili kupisha uchunguzi wa tuhuma zao,” alisema mkuu huyo wa mkoa.
Galawa alisema baada ya uchunguzi kukamilika hatua mbalimbali zitachukuliwa dhidi yao, ikiwemo baadhi yao kufikishwa mahakamani kwa kuwa baadhi ya makosa yaliyoainishwa na mamlaka zilizochukua hatua yanaonekana ni ya jinai.
“Kuhusu hilo la takwimu kwamba ni kiasi gani cha hasara ya fedha waliyoisababisha hasara serikali niombe tu kuwa sina uhakika maana niko nje ya ofisi, nisije kukupa kitu kisicho halisi, halafu baadae mkanigeuka tena,” alisisitiza Kamanda wa Polisi Mkoa wa Songwe, Nyange Mathias alithibitisha jeshi hilo kuwashikilia watumishi hao na wanaendelea na uchunguzi dhidi ya watumishi hao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.