Simba yasema imechoshwa na danadana za Shirikisho la Soka Tanzania (TFF) .

KLABU ya Simba imesema kwamba imechoshwa na danadana za Shirikisho la Soka Tanzania (TFF) kuhusu hatma ya suala la beki wao, Hassan Ramadhani Kessy, ambaye amesajiliwa na mahasimu wao, Yanga, kinyume cha sheria. Kwa mujibu wa mitandao ya kijamii jana, Mwenyekiti Kamati ya Usajili ya Simba SC, Zacharia Hans Poppe alisema kwamba mara ya mwisho TFF iliwaambia suala hilo lingemalizwa ndani ya mwezi uliopita, lakini sasa ni Oktoba na bado halijamlizika.
Alisema kwamba katika kikao cha mwisho walikubaliana na Yanga kuwaomba Mawakili Said El Maamry na Profesa Mgongo Fimbo kuwasimamia katika kutafuta suluhisho la suala hilo.
Sheria na Hadhi za Wachezaji ku wapa siku tatu kuanzia Septemba 24, 2016 kumaliza wenyewe suala hilo, hatua ambayo ilifikiwa baada ya mjadala wa muda mrefu kuhusu kesi mbili zilizofunguliwa na Simba mbele ya kamati hiyo inayoongozwa na Mwanasheria Richard Sinamtwa.
Kesi hizo ni Yanga kudaiwa kuingia mkataba na Kessy wakati bado ana mkataba na Simba na ya pili ni mchezaji huyo kudaiwa kuanza kufanya mazoezi bila kusajili Yanga na kwenda nje ya nchi wakati akiwa ndani ya klabu yake hiyo ya zamani.
Poppe alisema kwamba kwa sababu tangu wiki iliyopita wamekuwa wakipigwa danadana na TFF na Yanga juu ya suala hilo, wanaona bora lirudishwe kwenye Kamati ya Katiba, Sheria na Hadhi za Wachezaji limalizwe huko.
Wakati inatoa agizo la kuzitaka klabu hizo zimalizane zenyewe, Kamati ya Katiba, Sheria na Hadhi za Wachezaji ilisema kwamba kama hawatafikia muafaka katika siku tatu walizopewa, mashauri hayo yatarudi mbele ya kamati na kufanya uamuzi kwa mujibu wataratibu, kanuni na sheria zinazoongoza mpira wa miguu Tanzania.
Ikumbukwe katika madai yake, Simba inataka ilipwe dola za Kimarekani 600,000 zaidi ya Sh bilioni 1.2 za Tanzania.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.