News Alert:Mahakama ya hakimu mkazi mjini Singida,imewahukumu madereva wanne wa magari ya abiria na mizigo, adhabu ya kutumikia jela jumla ya miezi kumina mbili

Mahakama ya hakimu mkazi mjini Singida,imewahukumu madereva wanne wa magari ya abiria na mizigo, adhabu ya kutumikia jela jumla ya miezi kumina mbili na kulipa faini ya jumla ya shilingi elfu themanini baada ya kupatikana na hatia ya kukiuka sheria za usalama barabarani ikiwemo ya kuendesha magari yakiwa mabovu,kuegesha maeneo yasi ruhusiwa na kujaza abira wengi kupita kiasi jambo ambalo linahatarisha maisha ya abiria..

Mwendesha mashitaka na mwanasheria wa serikali,Pridence Mutta,alidai mbele ya hakimu mfawidhi wa mahakama hiyo,Joyce Minde kuwa mnamo aprili 20 mwaka huu majira ya asubuhi huko katika kata ya Ipembe mjini hapa,dereva Willson John miaka ishirini na tatu mkazi wa kititimo manispaa ya singida,alikamatwa akiwa amepakia abiria wengi kwenye lori dogo aina ya fuso lenye usajili wa namba T.354 BGX kinyume na Sheria.

Naye dereva wa FUSO T.674 ERM Simon David miaka thelathini na Saba mkazi wa moshi mjini mkoani kilimanjaro,amepatikana na hatia ya kuendesha gari na magurudumu yake yakiwa yamechaa na kiti cha dereva kibovu hakifai,pia mshitakiwa wa mwisho Bwana Juma Ramadhani miaka ishirini na mbili mkazi wa mtinko jimbo la Singida kaskazini,amehukumiwa kwenda jela miezi mitatu baada ya kukutwa akiendesha gari likiwa katika hali mbaya.

Kabla ya kutolewa kwa adhabu,mwendesha mashitaka Mutta aliiomba mahakama hiyo kutoa adhabu kali kwa washitakiwa itakayokuwa fundisho kwake na madereva wengine ambao hawatii sheria za usalma barabarani na kuhatarisha maisha ya wananchi.

Hakimu Minde,alisema ili kuondoa dhana iliyoota mizizi kwa baadhi ya madereva kwamba makosa ya usalama barabarani, adhabu yake ni kulipa faini tu na mshitakiwa anao uwezo wa kulipa na kuachiwa huru, kwa hiyo washitakiwa wote wanne kila moja amepewa adhabu ya kwenda jela miezi mitatu na akimaliza adhabu ,atalipa faini ya shilingi elfu ishirini ndipo urudi nyumbani kwake.

Aidha hakimu Ninde amesema kwa sasa hali ni mbaya kila siku ni ajali ambazo zinazopoteza nguvu kazi na kuziacha familia bila kuwa na wategemezi,hii yote inasababishwa na madereva kutokutii sheria za usalama barabarani na wakati mwingine mahakama nazo kutokutimiza wajibu wake ipasavyo kwa kutoa adhabu ya faini badala ya kifungo pamoja na faini.

Kamanda wa kikosi cha usalama barabarani mrakibu msaidizi wa polisi ASP JOSEPH BUKOMBE amesema wameamua kuchukuwa jukumu la kuwapeleka mahakamani na bila ya kuwatoza faini kwa sababu makosa yao yamekuwa yaki jirudia kila wanapo kamatwa.

Katika hatua nyingine ASP BUKOMBE amesema wamekamata pikipiki na bajaji zaidi ya thelathini na tano zilizo kuwa na makosa kwa lengo la kuwataka waajiri wa pikipiki hizo kufika kituoni ili washitakiwe wao na madereva wao ambao wengi wao wamekuwa wakiendesha bila leseni,kuvunja sheria za barabarani nakusababisha ajali ambazo zina garimu maisha ya abiria bila sababu.

Kwaupande wao baadhi ya madereva walio fika mahakamani kwa ajili ya kujaribu kuwawekea dhamana wenzao na zoezi hilo kugonga mwamba wamesema kuwa barabara zote katikati ya manispaa ya Singida hakuna sehemu ambayo kuna kibao cha kuegesha gari , kwahiyo wameiomba manispaa ya Singida kuweka vibao na kutenga maeneo ya maegesho,kwani kwasasa wamekuwa wakikamatwa wanapo egesha magari na askari wa usalama Barabarani.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.