Rais Kikwete awaongoza watanzania Kuadhimisha miaka 51 ya muungano wa Tanganyika na Zanzibar viwanja vya Uhuru Dar es Salaam.

Rais Jakaya Kikwete amewaongoza watanzania katika kuadhimisha dhimisha miaka 51 wa muungano wa Tanganyika na Zanzibar uliounda Jamhuri ya Muungano wa Tanzania.

Maadhimisho hayo kitaifa yamefanyika katika Uwanja wa Uhuru jijini Dar es salaamna kuongozwa na Rais wa Jamhuri ya Muungano wa Tanzania Dakta JAKAYA KIKWETE sambamba na viongozi wengine wa serikali ya jamhuri ya muunganio na Zanzibar Katika uwanja wa Uhuru jijini Dar es Salaam.

Baada ya kuwasili uwanjani hapo akiwa kwenye gari la wazi akiwa pamoja na Mkuu wa Majeshi ya Ulinzi, Jenerali DAVIS MWAMUNYANGE, Rais KIKWETE alipokea heshima kutoka vikosi vya ulinzi na usalama na alipigiwa mizinga 21 na kisha kukagua gwaride la vikosi vya ulinzi na usalama.

Wengine waliohudhuria sherehe hizo za maadhimisho hayo ni pamoja na Makamu wa Rais Dakta MOHAMMED GHARIB BILAL, Rais wa Zanzibar na Mwenyekiti wa Baraza la Mapinduzi, Dakta ALI MOHAMMED SHEINna Waziri Mkuu MIZENGO PINDA.

Wengine ni Rais mstaafu BENJAMIN MKAPA, AMANI ABEID KARUME na viongozi mbalimbali wa vyama vya siasa, mabalozi wanaoziwakilisha nchi zao hapa nchini na wananchi.

Rais JAKAYA KIKWETE ambaye pia ni Amirijeshi Mkuu anashiriki maadhimisho hayo kwa mara ya mwisho katika nyadhifa hizo baada ya muhula wake unatarajiwa kwisha baadaeye mwaka huu baada ya uchaguzi mkuu unaorajaiwa kufanyika Oktoba.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.