Wanajeshi 11 wa Afghanistan wameuawa katika shambulio la kushitukiza.

Wanajeshi 11 wa Afghanistan wameuawa katika shambulio la kushitukiza lililofanywa na wapiganaji wa Taliban, Magharibi mwa nchi hiyo.

Msemaji wa gavana wa Jimbo la Herat, Bwana EHSANULLAH HAYAT, amesema wapiganaji hao wa Taliban waliushambulia msafara wa wanajeshi hao katika Wilaya ya Karukh jana usiku na kusababisha vidfo vya wanajeshi hao 11.

Amesema wanajeshi hao walikuwa wakisafiri kwenye magari madogo ya mizigo Pick-Up.

Naye Msemaji wa Jeshi Magharibi mwa Afghanistan Bwana NAJIBULLAH NAJIBI, amethibitisha kutokea kwa shambulio hilo na kuongeza wanajeshi wanne pia wamejeruhiwa katika tukio hilo.

Wanajeshi wa Umoja wa Kujihami wa Nchi za Magharibi - NATO- wakiongozwa na Marekani waliondoka Afghanistan Desemba mwaka jana na kuwaacha maafisa wachache kwa ajili ya kutoa mafunzo na kuvisaidia vikosi vya usalama.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.