Bodi ya Tumbaku nchini yavifuta vyama vyote vya wakulima binafsi vya Tumbaku.

Bodi ya Tumbaku nchini imevifuta vyama vyote vya wakulima binafsi vya Tumbaku kwa madai kuwa vimekuwa vikisababisha kuwadidimiza wakulima walioko katika vyama vya ushirika.

Akizungumza wakati wa mkutano wa wadau wa Tumbaku kutoka mikoa yote inayolima zao hilo,mweyekiti wa bodi ya Tumbaku nchini Said Nkumba amesema imekuwepo tabia kwa vyama vya wakulima binafsi wa Tumbaku kuchukua mikopo kwa kutumia mgongo wa wakulima walioko kwenye vyama vya ushirika na baadaye kukiuka makubaliano kwa kuuza Tumbaku kwa kutumia vyama vyao huku wakiwaacha wakulima wengine wakilipa madeni yaliyoachwa na wengine.

Wadau wa Tumbaku kwa upande wao wameitaka serikali kuwapa kipaumbele wakulima wa zao hilo na kutambua mchango wake katika kuiliingizia taifa fedha za Kigeni tofauti na mazao mengine sambamba na kuangalia mfumo wa bei elekezi itakayokuwa na tija kwa wakulima ambao wamekuwa wakipata shida katika kulima Tumbaku.

Mkutano wa wadau wa zao la Tumbaku umefanyika mkoani Morogoro kwa kuwashirikisha wadau wa zao hilo na umejadili changamoto na mafanikio yaliyopo katika uzalishaji wa zao hilo.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.