Wafanya biashara mkoani Morogoro watakiwa kufuata vipimo sahihi kuepuka utozwaji wa kodi isivyo halali.

Wafanya biashara na wakulima mkoani Morogoro wametakiwa kufuata vipimo sahihi katika mazao yanayoingia sokoni na kutoka ili kuepuka utozwaji wa kodi isivyo halali.

Meneja mkoa Wakala Vipimo Morogoro WILSON KACHOLI amesema kuwa wafanya biashara na wakulima wanatakiwa kutumia vipimo sahihi katika masoko mbalimbali ili kuepuka utozwaji a kodi kiholela.

KACHOLI amesema kuwa Halmashauri ni uti wa mgongo wa jamii katika kupambana na ukwepaji vipimo sahihi iwapo watatunga sheria stahiki kwa watakao kwenda kinyume na agizo hilo.

Meneja huyo ameziomba halimashauri kwa kushirikiana na Ofisi yake kutenga maeneo maalumu ya kununua na kuuza mazao kwa wakulima na wafanya biashara ili mchakato wa kufuata vipimo sahihi uweze kuzingatiwa ili kuepuka unyonywaji kwa wakulima.

Katika hatua nyingine wakulima wamekubaliana na agizo hilo na kutaka mizani na vipimo vya ujazo kwa wafanya biashara katika massoko kufanyiwa ukaguzi wa mara kwa mara jambo litakalosaidia kuondokana na wizi wa vipimo hivyo.

Aidhha KACHOLI ametoa wito kwa wafanya biashara katika masoko yote katika mkoa wa Morogoro kuwasilisha vipimo vyao ili kuepuka kufungiwa biashara zao.

Kuhusu TAMBARARE HALISI

This is a short description in the author block about the author. You edit it by entering text in the "Biographical Info" field in the user admin panel.